Moj smij se gasi ka mrtve vlasi

još stišćen pest ne dan se skončat

šteriku trnen štorija gre

testament paran

uziman timun

za jubav se borin

neka san žut ka zrili limun.

 

Od života piljke na tavajol mećen

skupjan ji dugo ka šolad po šolad

oće li ova bol mi pomolat

ćutin da tilon đelozija pliva

i reste ka plima

u glavu puca

a tija san samo bokun njina srca.

 

Al vrag ne da mira u svetinju dira

ašeta se mene ka čela i med

pucan ka baškotin u mrve se pravin

u jubavi ovoj svon snagon se davin.

 

Ne mogu podnit da niko je gleda

da dira je, voli

ni najteža rana vako ne boli

ka vitar bandiru na bandu me baca

e jesan lud ka stara štraca.

 

Da mi je kalmat

na banak sisti

razbirat misli u red ji dovest

brenzat se moran

neće me ovo daleko odvest

mučin se, patin, ne pristajen gristi

ka sve ča ne volin posta san isti.