Piše:Vladimir Šuk - Ak je zviezdam za veruvati

Bile je liepe,

vezda pak bu još bolše!

Vse vas ide od ruke-z pogledom i željami.

Same dobre viesti kaj se srca dotikavlje

buju vu sakem danu toga leta.

I najte same pripovedati,

pokažite kaj želite,

pred vami je morje sreče i zadovolstva.

Hitre bute vidli da najbolše-smejati se!

Bližeše k protuletju,

zglada bormeš,

jene poznanstve bu čist nekaj novuga

vu vašem življenju.

Oko bu vam sejene bežale za friškem nečem.

Drugač,

vi točno znate kaj hočete,

a i druga strana takaj.

Pripravite se da fest jake bu liepe,

vi ste rojeni pod srećnu zviezdu.

Vu familije bu vam vse v redu,

če nebu serditve, pak kletve.

Patite se punog droba,

ampak nič se ne bojte,

zdravejši ste nek drugi vu selu gruntaju.

I šparajte,

penez nebu manjkale,

same pri vas se nemreju zgreti.

Najte preterivati ni vu čem i v semu,

pak kaštige Božje nad vami nebu.