Praf za praf kaj da vam povjedam. Sem se zdigla z vjutra, onak ćez obluk pogledim i vidim kiša curi. Velim mački dobre jutre dlakavica - a ćeš cajt mi same nekakve „ stranjske“ rijeći dohajaju v glavu. Pak se pitam kaj to denes je, kakov je to dan kad mi se sve v glavi spomješale. Morti sem se zbudila v nekem drugem cajtu?

Spominjam se  z mačkom i sama s suobu, i čekam da mi zakipi voda za kavu. Kava je gotova….a duoj to ide po cesti?.Lučem čez obluk i sve si domišljavam - duoj to je? Nekakvi stranjski ljudi, nijes ih prije videla. A naj ideju, kaj me briga z njimi,čeka me kava.

Nigdar ne fruštukam pak sem si sela i zela kavu predse. Same se omuhavam i vidim nekaj mi fali. Pa nekaj … kaj pitam,fajfa! Namečem duhan v fajfu i prižgem z fajercegom. K vragu i fajerceg nikak da vužgem. Dok ja tak speljavam potrtebite ceramonije kava mi se oladila. Sem u cajtungima čitala da je to fajn za ten….. joj kak bum fajn puca!!!

Dalje listam cajtung kaj sem ga pobrala vjutre u kištri za poštu.Niš pametnega ni za čitati. Guštam si fajfu i pijuckam mrzlu kavu.Joj kaj si šašava,dej se stopli tu kavu,kaj moraš mrzlu piti …velim si… A kaj bum sad išla topit to male kave kaj mi je ostale,bum to sad popila.

Kad je sve to bile gotove prešla sam v kunju zahajcati šporet. Denes beš i nije nekak preveć tople,a kaj bi bila na zimi kad mi to nije treba. Ojdim sim pak tam... u badecimeru pogledim v špigelj…da vidim jesu se zbrisale falte od mrzle kave.. Kvragu, im bi se trebala blajhati. Bum,imam cajta.

Pak si pomislim..e baš sem fahman….

Lijepe… za truc nek vam je kušlec, a ja idem dalje povlijeći koji dim s fajfe.