Odigraj "Tarot DA/NE"

Kalendar događanja

Član mgracan

Upisao:

mgracan

OBJAVLJENO:

PROČITANO

1763

PUTA

OD 14.01.2018.

STARE HORVATSKE REGULE LEPOGA PONAŠANJA

STARE HORVATSKE REGULE LEPOGA PONAŠANJA
Baš super da imamo rubriku citata! Evo nešto za kajkavce a za one koji ne razmeju...žao mi je...vele da je prijevod 10€.

 

1. Hodeč, z rukami se ne dopušča lamatati niti sedeč z nogami klatariti i zvoniti, a niti se
preveč zritavati.

2. Pri stolu ni lepo s persti bubnjati, zubmi
škripati ili zehajuč kakti vuk zavijati, a niti
kak prostak s celim se telom rastezati i pri tom zdehavati i puhati kak nadušlivec.

3. Ak se hoče kašlati ili pak kehnuti, pošteno
je gubec na stran obrnuti i z ropcom ga pokriti, a pri tem robec ne sme bit zasran z stvrdnutimi šmrkli i drugim nesnagama od prošlotednog kehanja i kašlanja.

4. Ak negdoga sili hračkati ili se seknuti, naj
se z ropcem pokrije i obrne na stran, a hrački
naj ostaneju v ropcu, a ne okoli po stolu,
ljudem po oblekama i goloj koži špricati. Pri
seknjavanju ni treba trubiti kak osel kad je
srdit.

5. Pri stolu roke, zubi i škrbe moraju biti
čisti. A ak se je od jela med škrbama kaj
zavleklo i ostalo - gerdo je videti če se to z
nožom, vilicom ili pak noktima vun vleče i
trebi. Zemi lepo dreveni zubotrebec (če je
zubotrebce domačin del na stol), pokri z rokom gubec i skopaj to po skrivečki i ne pluvaj to po celom stolu nego po skrivečki lepo pod stol po tiho i kulturno pluni.

6. Med ljudem i v društvu nofte obrezavati ili
još gorše ogrizavati - ni lepo videti.. Hudo je
i odurno po nosu s persti dupsti i po njemu črve iskati.

7. Če se z nekim spominaš - ni lepo pajdašu pred nosom z rokami lamatati i mahati, natreskavati ga, za opravu ga natezati, z rokami ga poguravati ili z laktom vu rebra drukati.

8. Na silu se smejuč dodvoravati se i šmajhlati nekomu, ne služi ti na čast. Isto tak smejati se tak da se ni gromovi i strele ne čujeju, a i tak da zevaš kak som i sve ščrbe svima pokazivaš - ni lepo.

9. Ak pri stolu nešči spelava norije i za šalu
norija i tebe dotakne, treba je z smehom
sprejeti i ne kvariti veselo raspoloženje
pajdašije.

10. Ak pri stolu nešči još po malo nekaj jede -
ni treba spovedavati kakvi odurni vic gde je
dreka ili kakve druge gnjusobe, kaj se nebi
siromak onaj jedec tu zbljuval. Ni spametno
pripovedati ni kakav politički vic, jerbo moreš
v rešt dojti.

11. Pri stolu se hlačnjak ne popravla niti kopča šlic. Isto tak nit gače na dretu (svitnjak) ne buš tu popravlal i natezal, a ne buš se ni po jajcima ili riti čohal makar te fest svrbelo. Stisnul buš zube i junački to zdržal za kaznu kaj si jajca ne pereš.

12. Pri stolu se ne loviju i trebiju buhe, vuši
i drugi puzeči i grizeči gadi. A če se na nekom
drugom kaj je blizu tebe nakaj takvoga jako vidi - ne početi kričati, vriskati ili nekak drugče noreti, nego se tiho i po skrivečki z ancuga ili
las gada zeme i med prstima zdrobi i pod stol
hiti da nihče niš ne čuti nit ne vidi.

13. Ak su kuharice malo zavlekle pa se na jelo malo dulje čeka - ni treba zubmi škripati, z
očma kolutati, glasno pridihavati, spitavati:
kaj bu kaj za jesti i davati druge znake po
kojima bi se moglo videti da si lakoten gladuš.

14. Če je juha kipuča, ni treba vu nju preveč
puhati kak bik kad vidi kravu, pa da se sve z
tanjura okoli preleva - treba je po male v žlicu pripuhavati. A onda, ni lepo vu se z žlice vleči
hlapljivo kak živina i srkati da se čuje kak
struganje kravskog vagira ili škripanje kotača na zdencu.

15. Ak se v tanjuru najde kakav smrad ili nekaj odurnoga, ne početi kričati i zderavati se na domačiju. To se s persti po skrivečki zvadi i pak hiti pod stol. A če si to prekesno primetil pa ti se najde v gupcu i na jeziku - gubec pokri z rokom i takaj po skrivečki obrni se na stran i malo pod stol i tam to po tiho pluni.

16. Isto tak če si bil preveč lakoten, pa si v
gubec del kipoču juhu ili nekaj drugo - ne buš
to spošprical po stolu ili po ancugima susedov,
a ni dobro to plunuti ni vu svoju ruku jer kam
buš posle s tim? I to treba ležerno kak da ni
niš bilo, plunuti pod stol i onda se malo kakti
nakašlati kaj bi se gubec čim predi ohladil.

17. Smrdeče štrunfe i obojke na nogah ne buš donesel vu fino društvo. To ti je za po doma. Za stolom ni dopuščeno pezdenje. Lepo se zdigneš i prejdeš nekam drugam v hiže i tam ga spezdiš potiho da se pezdec ne čuje do ljudeh, a ne bu se ni čutil jer se bu zmešal z drugim domačim
hižnim smrdočinama.

18. Ak je na stol došlo meso s koščicama, njih
buš kulturno oglobal, a ne po pesje shrskal.
Koščice buš lepo isto tak kulturno pridržaval v levoj ruki, a ne rashitaval okolo ili z njima
okolo streljal. Posle bu ti neko od domačih
donesel nekakvu posudu kam buš kosti del.

19. Celo vreme pri jelu, gerdo je videti i čuti
ak negdo z čubami kak prasica cmokoče, ak mu se scejava po bradi i anjcugu, a persti su mu masni kak da je z rokom napoja mešal. Ni treba roke brisati vu stolnjak tak da se to tam vidi.

20. Tuđu žensku pri stolu ne ščipati i pod
stolom s kolenima smicati ili joj z rukom oko
gač prčkati.

21. Ak su tu mužikaši, onda se bu i tancalo. Pri tancu tuđu babu nesmeš preveč stiskati tak da bi to videl njezin muž, a još menje da bi se videlo kak ju s nečim "tvrdim" po malo žuglaš i na greh vlečeš.

To su najvažnejše regule kojih se treba držati, jer smo mi Hrvati kulturni europejski narod. A ima još regula za druge kojekakve prilike.
Domoljublje i kultura su na prvom mestu!

                        

Pregled najnovijih komentara Osobne stranice svih članova kluba

DUHOVNOST U OŽUJKU...

OŽUJAK...

ASTROLOGIJA, NUMEROLOGIJA I OSTALO

BRZI CHAT

  • Član edin.kecanovicedin.kecanovic

    "Tako mi smokve i masline, i Sinajske gore, i grada ovog sigurnog." Kur'an

    24.03.2024. 19:53h
  • Član bglavacbglavac

    Cvjetnica. Idemo posvetiti maslinovu grančicu. Lijep dan vam želim!

    24.03.2024. 06:34h
  • Član bglavacbglavac

    Dobro jutro dragi magicusi. Lp

    21.03.2024. 06:56h
  • Član bglavacbglavac

    Danas je i Dan očeva. Sretno!

    19.03.2024. 08:06h
  • Član bglavacbglavac

    Danas je blagdan sv. Josipa. Sretan imendan svima koji nose to ime. Lp

    19.03.2024. 08:03h
  • Član bglavacbglavac

    Sretan vam dan žena , drage moje žene. Lp

    08.03.2024. 06:52h
  • Član iridairida

    a najavili su nam olujno vrijeme..., ali hvala ti, i tebi ugodan dan...:-)))

    04.03.2024. 14:15h
Cijeli Chat

TAROT I OSTALE METODE

MAGIJA

MAGAZIN

Magicusov besplatni S O S tel. 'SLUŠAMO VAS' za osobe treće dobiMAGIFON - temeljit uvid u Vašu sudbinuPitajte Tarot, besplatni odgovori DA/NEPitaj I ChingAnđeliProricanje runamaSudbinske karte, ciganiceOstvarenje željaLenormand karteLjubavne poruke

OGLASI

Harša knjigeDamanhurSong of SilenceSpirit of TaraIndigo svijetPranic HealingSharkUdruga magicusUdruga leptirićiSmart studioHipnoza ZagrebSvijet jogeInfo izlogMagnezij tajne

Jeste li propustili aktivacijsku e-mail poruku?

Javite nam se na info@magicus.info